മൈനപ്പെണ്ണിനോട്

വെള്ളിക്കൊലുസിട്ട  കുഞ്ഞാരൻ പൂവിൻറെ
കിന്നാരം കേൾക്കെൻറെ മൈന പെണ്ണേ
വാലാട്ടിപ്പായുന്ന പൈമ്പാൽക്കിടാവിൻറെ
പയ്യാരം കേൾക്കെൻറെ മൈന പെണ്ണേ
മച്ചകം താണ്ടുന്ന പിച്ചക വണ്ടിൻറെ
മർമ്മരം കേൾക്കെൻറെ മൈന പെണ്ണേ
നെൽച്ചെടിപ്പൂക്കളിൽ നർത്തനമാടുന്ന
കാററിനെ തഴുകെടി മൈന പെണ്ണേ
വാനിലൂടെമ്പാടും പായുന്ന മുകിലിൻറെ
ഊറേറാന്നു മാറെറടി  മൈന പെണ്ണേ
 താലോലം പാടുന്ന താരാട്ടു പാട്ടിന്ന്
താളം പിടിക്കെൻറെ മൈന പെണ്ണേ